Bakıda keçirilməsi nəzərdə tutulan “Türkiyə maliyyə sektoru liderlər zirvəsi” layihəsi haqqında KOB Subyektləri və Klublarının Assosiasiyası və Azərbaycan Françayzinq Assosiasiyasının rəhbərləri arasında görüş keçirilib. Görüşdə KOB Subyektləri və Klublarının Assosiasiyasının sədri Nigar Ələsgərova , Layihələrlə iş üzrə Departament müdiri Pərvin Qasımov, Azərbaycan Françayzinq Assosiasiyasının sədri Camid Mövsümov və “Your Personal Consultant” MMC markasının həmtəsisçisi Aytən Davudova iştirak edib.
Sözügedən zirvənin əsas məqsədi 2 ölkənin maliyyə sektorunda fəaliyyət göstərən iş adamları arasında əlaqələrin inkişaf etdirilməsidir. Bir sıra dövlət qurumlarının adminstrativ tərəfdaşı olduğu zirvə görüşündə Azərbaycan və Türkiyədən olan böyük banklar, sığorta şirkətləri və digər maliyyə sektoruna aid qurumlar iştirak edəcək.
“Türkiyə maliyyə sektoru liderlər zirvəsi” Azərbaycan Françayzinq Assosiasiyası, KOB Subyektləri və Klublarının Assosiasiyası və “Your Personal Consultant” MMC-nin birgə təşkilatçılığı ilə həyata keçiriləcək.
